Публикации » "Адреналин" хальхинче те çĕнтерчĕ

22 ноября 2008 г.

Чỹк уйăхĕнче районта улттăмĕш хут шкул лигин КВН фестивалĕ иртрĕ. Кăçал вăл пĕр тапхăрпа анчах йĕркеленчĕ. Пĕтĕмĕшле пĕлỹ паракан вăтам шкулсен командисем Çĕнĕ Пăвари культура çуртне пуçтарăнчĕç. Шкул пурнăçĕ тата Ырă ĕçсен çулталăкĕ _ пултарулăха çак темăсемпе çыхăнтарса кăтартрĕç вĕренекенсем. Хĕрỹ тупăшура яланхиллех "Адреналин" (Елчĕк шкулĕ) çĕнтерчĕ. Çирĕклĕ Шăхаль шкулĕн "Скелетоны" команди иккĕмĕш вырăна тивĕçрĕ. Пысăк ăсталăхпа палăрчĕç команда членĕсем. "Кошки-мышки" команда вара виççĕмĕш вырăнта. Курнавăшри "Шиш" команда ăмăртăва хутшăнас тĕллевпе кỹршĕ яла та пыма кăмăл туманнинчен, чăн та, тĕлĕнмелле. Аслă Елчĕк шкулĕ те çак фестивале хутшăнасран пăрăнса юлнă.