19 ноября 2008 г.
Ĕмĕрĕпех вĕренет учитель. Юлашки çулсенче вĕсен ĕç-хĕлне тата тимлĕ пăхаççĕ, вĕренекенĕсен кăтартăвĕсене тишкереççĕ. Кашни пилĕк çулта хăйне евĕр тĕрĕслев _ аттестаци витĕр тухать вăл _ ыттисене ăс-тăн пама пĕлỹ шайĕ, ăсталăхĕ çителĕклине кăтартса, çирĕплетсе парать. Ачасем кĕрхи каникулта каннă чухне районти 44 педагог парта хушшине ларчĕ, пĕрлĕхлĕ патшалăх экзаменĕ тытрĕ. ЧР Вĕрентỹ институчĕн специалисчĕсемпе аслă шкулсен преподавателĕсем хатĕрленĕ тест ĕçĕсене кăçал пуçламăш классен, тăван ен культури, ỹкерỹ, ОБЖ, физкультура, чăваш чĕлхи, музыка, технологи вĕрентекенĕсем хуравларĕç. Çакă аттестацин пĕрремĕш тапхăрĕ пулчĕ. Унăн итогĕсем çак кунсенче паллă пулаççĕ.