Публикации » Республика шайĕнче - иккĕмĕш

19 ноября 2008 г.

Çемье çулталăкне тата Ырă ĕçсен çулталăкне халалласа кăçал Чăваш Республикин Юстици министерстви республика шайĕнче "Мăшăрланнине савăнăçлă та яваплă лару-тăрура регистрацилекен чи лайăх ЗАГС пайĕ" конкурс йĕркеленĕ. Унта пирĕн район администрацийĕн ЗАГС пайĕн специалисчĕ Н.Баймушкина хутшăнма кăмăл тунă. Чỹк уйăхĕн 14-мĕшĕнче тĕп хуламăрта финала тухнă участниксем тупăшнă. Надежда Петровна республика шайĕнчи çак конкурсра иккĕмĕш вырăна тивĕçнине, çавна май хаклă парнепе диплом çĕнсе илнине палăртма кăмăллă. Специалист чăваш çамрăкĕсене тăван чĕлхен илемлĕ мелĕпе усă курса çырăнтарма пултарнине жюри членĕсем пысăка хурса хакланă.