Публикации » Елчĕксемшĕн савăнатпăр

15 ноября 2008 г.

Чăваш Республикин Строительство министерствинче хула округĕсен тата муниципаллă районсен территорийĕсенче тирпей-илем кĕртессипе паха опыта вĕренес енĕпе семинар-канашлу иртнĕ. Унта хула, район администрацийĕсен представителĕсем, республикăри территорири обществăлла хăй тытăмлăхăн ертỹçисем хутшăннă. Семинарта ЧР хула строительствин тата обществăлла инфраструктура аталанăвĕн министрĕ А.Гончаров пурăнакан вырăна тирпей-илем кĕртес, симĕслетес енĕпе ирттерекен республикăри смотр-конкурс итогĕсемпе паллаштарнă, çĕнтерỹçĕсене дипломсемпе чысланă. Кăмăллăнах пĕлтеретпĕр, пирĕн район та çĕнтерỹçĕсен йышĕнче. Район центрĕ çулран çул илемленсе пыни куç умĕнче. Елчĕксем иккĕмĕш вырăн йышăннăшăн чăннипех савăнатпăр.