Публикации » Чи тухăçли _ "Клевер" ОООра

08 октября 2008 г.

"Клевер" ООО 72 гектар çинчен пĕтĕмпе 24600 центнер çĕр улми пухса кĕртнĕ. Пĕр гектартан тухакан вăтам тухăç _ 342 центнер. "Иккĕмĕш çăкăр" туса илессипе районти нихăш ял хуçалăх предприятийĕ, фермер (хресчен) хуçалăхĕ те "Клевер" ОООпа танлашаймарĕ. Кунта чи тухăçлă çĕр улми çитĕннĕ. Ăна Голланди технологийĕпе _ йăрана хăпартса акнă. Агротехника йĕркисене çирĕп пăхăнса пурнăçланă ĕçĕн кăтартăвĕ пĕтĕмпех куç умĕнче. Çĕр улмие акнă, пухса кĕртнĕ чухне те сахал яваплă юлташлăх çĕнĕ йышши ятарлă ял хуçалăх техникипе усă курса ĕçленĕрен ĕç тухăçлăхĕ, хăвăртлăхĕ пысăк пулнă. Çапла майпа палăртнă лаптăкри "иккĕмĕш çăкăра" кĕске вăхăтра, пахалăхлă тата тăкаксăр пухса кĕртме май килнĕ.