Публикации » Вĕренме яратпăр

24 сентября 2008 г.

Çул çитсен кашни çамрăкăн Тăван çĕршыва хỹтĕлекенсен ретне тăмалла. Çара кайиччен алла пĕр-пĕр специальность илни питĕ вырăнлă. Автомашинăпа çỹреме пĕлни, электротехникăна ăнланни, ăна юсама пултарни никамшăн та ытлашши мар. Раççей Оборона министерстви шăпах çак специальноçсене тỹлевсĕр вĕрентет те. Районти çар комиссариачĕ урлă паянхи кун Шупашкарта электрика (юпа уйăхĕн 1-мĕшĕнчен), связиста вĕренме кайма пулать, 4 уйăх вĕренмелле. Вĕренме условисем çителĕклĕ. Курсантсене командировка укçи талăка 100 тенкĕ, хваттерте пурăннăшăн 400 тенкĕ тỹлеççĕ. Асăннă профессисене алла илсен вара связистсене тата электриксене 12 пин тенкĕ тỹлеççĕ. Вĕренме каймалли йĕрке пирки тĕплĕнрех районти çар комиссариатĕнче ыйтса пĕлме пулать.