Публикации » Ăнлантару ĕçĕ ирттереççĕ

24 сентября 2008 г.

Çăмăллăхпа усă куракансен умне кашни çулах çак ыйту тухса тăрать: "социаллă пакетпа" усă курмалла е ун вырăнне укçан илмелле. "Социаллă пакет" икĕ пайран тăрать: кунта тỹлевсĕр эмел, тỹлевсĕр санатори путевки (кайса килнĕ çул çỹревшĕн тỹлеççĕ) тата хула çывăхĕнчи электричкăпа тỹлевсĕр çỹресси кĕрет. Енчен те "социаллă пакетпа" усă курма килĕшмесен çăмăллăхçăн çакна пĕлтерсе юпа уйăхĕн 1-мĕшĕччен Пенси фончĕн Елчĕк районĕнчи управленине заявлени тăратмалла. Унăн хăйĕнпе пĕрле çак документсем пулмалла: _ паспорт; _ çăмăллăхпа усă курнине ĕнентерекен хут (справка е удостоверени); _ страховани свидетельстви. Паянхи кун тĕлне Пенси фончĕн Елчĕк районĕнчи управлени специалисчĕсем çирĕплетнĕ графикпа килĕшỹллĕн 9 ял тăрăхĕнчи çăмăллăхпа усă куракан пенсионерсемпе ăнлантару ĕçĕ ирттерсе 821 заявлени йышăннă. Тухса çỹреймен 105 пенсионер патĕнче пулнă. Пенси фончĕн районти управленине çăмăллăхпа усă куракан 1013 пенсионер заявлени килсе çырнă.