Публикации » Культработниксен конкурсĕ

17 сентября 2008 г.

Авăн уйăхĕн пуçламăшĕнче ял тăрăхĕн пултарулăх коллективĕсен творчествине аталантарас, çамрăк ăрăва илеме курма, ăнланма вĕрентес тĕллевпе Аслă Таяпа ял тăрăхĕнчи клуб учрежденийĕсем хушшинче "Çулла, сывă пул" чĕрĕ чечексемпе ỹсен-тăрансен композицийĕсен, "Çуллахи мисс" юмах персонажĕсен конкурсĕ иртнĕ. Конкурс йĕркелỹçисем _ Аслă Таяпа культура çурчĕн директорĕ А.Павлова тата унти библиотека заведующийĕ Е.Портнова. Кỹлĕ хĕрринче иртнĕ конкурс-уяв хăйĕн илемĕпе, йĕркелỹ шайĕпе пурин кăмăлне те кайнă. Спорт вăййисемпе вăйă-кулă чылайччен хăйсем патне туртнă çынсене. Уяв "Çу юррисем" концертпа вĕçленнĕ.