Публикации » Конкурсра çĕнтернĕ

13 сентября 2008 г.

Кăçал çу уйăхĕнче кадрсем хатĕрлекен наци фончĕ Пĕтĕм Раççейри педагогсем хушшинче цифрăллă вĕрентỹ ресурсĕсен пĕрлехи коллекцийĕсене усă курассипе Интернет-конкурс йĕркеленĕ. Унта Раççейĕн 64 регионĕнчен 1250 педагог хутшăннă. "Цифрăллă вĕрентỹ ресурсĕсемпе усă курса урока хатĕрленни" номинацире Елчĕкри пĕтĕмĕшле пĕлỹ паракан вăтам шкулти акăлчан чĕлхин учителĕ А.В.Петрова çĕнтерỹçĕ пулса тăнă. Кадрсем хатĕрлекен наци фончĕ йыхравĕпе Альбина Валерьевна Пĕтĕм Раççейри наукăпа практика конференцине хутшăнать. Вăл авăн уйăхĕн 29-мĕшĕнчен пуçласа юпа уйăхĕн 4-мĕшĕччен "Мускав _ Тверь _ Ярославль _ Мускав" маршрутлă юхан шыв çул çỹревĕнче иртет.