Публикации » Лаш Таяпари шкул - Владимир Андреев ячĕллĕ

10 сентября 2008 г.

Лаш Таяпари шкул районти чи ватă шкул, ăна 168 çул. Кунтан вĕренсе тухнисенчен нумайăшĕ паллă çынсем пулса тăнă. Выпускниксем спортра пысăк çитĕнỹсем тунă. 12 çын спорт мастерĕ, 22-шĕ спорт мастерĕн кандидачĕ пулса тăнă. 2000 çулта Сиднейри Олимп вăййисенче хăвăрт утассипе бронза призерĕ пулнă Раççей тава тивĕçлĕ спорт мастерĕ Владимир Андреев та Лаш Таяпари шкулта вĕреннĕ. Кăçалхи вĕренỹ çулталăкĕн пуçламăшĕ _ Пĕлỹ кунĕн уявĕ Лаш Таяпари шкулта расна, хăйне евĕрлĕ иртнĕ. Унта Владимир Андреевпа пĕрле ытти паллă спортсменсем, Шупашкарти эстрада юрăçисем хутшăннă. Савăнăçлă лару-тăрура Лаш Таяпари шкула Владимир Андреев ятне панă.