10 сентября 2008 г.
Хăйсен ĕмĕрĕсене ачасене тарăн пĕлỹ, тивĕçлĕ воспитани парас ĕçе халалласа мухтава тивĕçнĕ çынсем пирĕн хушăмăрта сахал мар. Вĕсенчен пĕри _ Шăмалакра пурăнакан Ф. Дмитриева. Феоктиста Яковлевна çак кунсенче 85 çулхи юбилейне паллă турĕ. Паллă кунпа сумлă ватăна Лаш Таяпа ял тăрăхĕн пуçлăхĕ В.Воробьев, районти социаллă хỹтлĕх пайĕн ертỹçин çумĕ Н.Николаева, райадминистрацин вĕрентỹ тата çамрăксен полтикин пайĕн методисчĕ И.Васильева саламланă, телей, сывлăх, канлĕ ватлăх суннă. Ф.Дмитриеван тăватă ачи те вĕренсе пурнăçра хăйсен вырăнĕсене тупнă. Халĕ унăн вун икĕ мăнук, мăнукĕсен ачисем тăххăрăн. Ватта телейлĕ пулма тата мĕн кирлĕ?