27 августа 2008 г.
Тăхăр çул такăрлатрăмăр юратнă шкула илсе çитерекен сукмака. Вăхăт çиçĕм пек хăвăртлăхпа иртсе кайрĕ. Шкулта таса, хитре çырма, пăхмасăр сăвă калама вĕрентĕмĕр. Хамăр вуланă кĕнекесене тишкерме, ырăпа усала уйăрма хăнăхрăмăр. Çитĕнсе çитрĕмĕр те анлă тавра курăмлă пулса шкултан уйрăлтăмăр. Савăнăçăн чикки çук: шкул пире нумай-нумай çĕнни парнелерĕ. Çав вăхăтрах куляну та пысăк _ эпир яланлăхах тăван шкулпа сыв пуллашатпăр. Чунне парса вĕрентнĕшĕн мĕнпур учителе чĕререн тав. Иккĕмĕш киле, Энтепе шкулне, тата пĕрремĕш вĕрентекене С.Зайцевăна ĕмĕр-ĕмĕр тав сăмахĕ. Сывă пул, юратнă шкулăмăр! Эпир сана манмăпăр, вăхăт тупса кĕрсе тухăпăр. Халĕ вара эпир кỹршĕ шкула çỹрĕпĕр.