09 августа 2008 г.
Районти халăха ĕçпе тивĕçтерекен центр ĕçсĕр граждансене вăхăтлăх ĕç тупса парассипе çулсерен тимлет. Çул çитмен çамрăксене уйрăмах пысăк тимлĕх уйăраççĕ кунта. Вĕсене вăхăтлăх ĕç вырăнĕ тупса парас ыйтăва пĕрле татса парас, вырăнти бюджетран укçа-тенкĕ уйăрас тĕллевпе асăннă центр Елчĕк район администрацийĕпе 2007-2010 çулсене ятарлă килĕшỹ тунă. Çуллахи каникул вăхăтĕнче "йывăр", нумай ачаллă, сахал тупăшлă çемьесенчи ачасене тĕрлĕ ĕçе _ шкул юсама, ялсене тирпей-илем кĕртме, ял хуçалăх ĕçĕсене хутшăнма, Аттелĕхĕн Аслă вăрçин ветеранĕсене пулăшма явăçтараççĕ. Кăçал çеç центр предприятисемпе, организацисемпе 25 килĕшỹ тунă. 173 вăхăтлăх ĕç вырăнĕ хатĕрленĕ. Вăтам тата професси пĕлĕвĕ паракан шкулсенчен вĕренсе тухнă, ĕç шыраса центртан пулăшу ыйтнă 20 çула çитмен икĕ çамрăка "Телец" ОООна ĕçе вырнаçтарнине те ырăпа палăртмалла.