Публикации » Газпром" пулăшнипе

06 августа 2008 г.

"Газпром" ОАО йышăннă "Газпром _ ачасене" программăн тĕп тĕллевĕ _ çĕршывра физкультурăпа спорта аталантарасси. Çавна май вăл тĕрлĕ спорт объекчĕсем хута яма регионсене укçа-тенкĕ уйăрассипе тимлет. Чăваш Республикин Патшалăх Канашĕн депутачĕ К.Мифтахутдинов тăрăшнипе маларах асăннă программăна пурнăçа кĕртсе Елчĕк районĕнче футболла, волейболла, баскетболла вылямалли искусственнăй курăкпа витнĕ стадион тума пуçланă. Асăннă проекта хута яма 3 миллион тенкĕ ытла укçа-тенкĕ уйăрма палăртнă. Стадион Елчĕк шкулĕпе тата "Улăп" Спорт керменĕпе юнашар ỹссе ларĕ. "Пулас стадион никĕсне хывнă _ çак вырăна хальлĕхе асфальт сарса хытарнă. Ăна авăн уйăхĕн 1-мĕшĕ _ Пĕлỹ кунĕ тĕлне хута яма палăртаççĕ. Баскетболла, волейболла, футболла выляма май паракан уй шкулпа юнашарах хута кайни районти ачасемшĕн пысăк ăнăçу. Ачасене сывлăх енчен çирĕп те тĕреклĕ çитĕнме, физкультурăпа спорта юратма пулăшĕ вăл"_ палăртать К.Мифтахутдинов.