17:21 24 июня 2017 г.
Шупашкарти Хĕрлĕ тỹремре Пĕтĕм Раççейри халăх пултарулăхĕн "Раççей çăлкуçĕсем" фестиваль иртет. Унта Раççейĕн чылай регионĕнчен çеç мар, Китай Сычжоу провинийĕнчи опера театрĕн ĕçченĕсем те килнĕ.
Мероприятире уçнă çĕре ЧР Пуçлăхĕ Михаил Игнатьев, ЧР Патшалăх канашĕн Председателĕ Валерий Филимонов, Дагестанри национальноçсен политикин министрĕн çумĕ Арсен Махмудов, Шупашкар хула администрацийĕн пуçлăхĕ Алексей Ладыков хутшăннă.
"Кунашкал фестиваль туслăха çирĕплетет, юрă-ташă ăстисен пултарулăхĕ кăмăла çĕклет", - тесе палăртнă Михаил Игнатьев.
Хаклав
Геннадий БОРИСОВ, РФ тата ЧР культурăн тава тивĕçлĕ ĕçченĕ, Патреккелти халăх хорĕн хормейстерĕ:
- Республикăра пурăнакан нумай нациллĕ халăхăмăрăн тĕп уявне эпир те хамăр колективпа хутшăнтăмăр. Эпир Республика кунĕн сцени çинче пĕрремĕш хут мар. Кашнийĕнчех пысăк хавхаланупа, мăнаçланса таврăнатпăр. Кỹрш республикăран, аякран килнĕ хăнасен пултарулăхне курни те питĕ савăнтарать. Мероприяти çỹллĕ шайра иртни хăнасен кăмăлне кайнине те хамăр куçпа курса ĕненетпĕр.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»