13:43 08 июня 2017 г.
Социаллă службăн хисеплĕ ĕçченĕсем тата ветеранĕсем!
Сире чĕререн професси уявĕпе – социаллă ĕçчен кунĕ ячĕпе саламлатпăр!
Сирĕн професси пурнăçри ыркăмăллăхпа тĕрĕслĕхе пĕрлештерсе тăрать. Çынсен нушине, йывăрлăхĕсене ăнланса эсир вĕсен ыйтăвĕсене вăхăтра татса паратăр, тимлĕхпе тата хÿтлĕхпе тивĕçтеретĕр.
Социаллă ĕçченсем хăйсен ĕçне тÿрĕ кăмăлпа пурнăçланисĕр пуçне çынсене ăнланма, пулăшма пултарнипе те уйрăлса тăраççĕ. Кирлĕ чухне пулăшу аллине тăсса пани çынсене пурнăçра йывăрлăхсене çĕнтерме, малалла çирĕппĕн утăмлама май парать.
Уяв ячĕпе саламласа сире ырлăх-сывлăх, ăнăçу, телей сунатпăр.
Елчĕк район пуçлăхĕ И.И.Васильева.
Елчĕк район администрацийĕн пуçлăхĕ Н.П.Миллин.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»
Первоисточник: Яльчикский район Чувашской Республики