14:14 24 марта 2017 г.
Чăваш Республикин культурăн хисеплĕ ĕçченĕсем!
Сире професси уявĕпе саламлатăп!
Культурăн пуян еткерĕ, наци искусствин сайра тĕл пулакан хăйне евĕрлĕхĕ тата Чăваш Енре пурăнакансен таланчĕ пирĕн тивлетлĕ тăван çĕрĕмĕре Раççей тулашĕнче те мухтава кăларнă.
Паян Чăваш Республики çĕршывăн культура центрĕсенчен пĕри шутланать тата пултарулăх шухăшлавне пĕтĕçтерекен, ăна пурнăçа кĕртекен сайра йышши вырăн пулса тăрать.
Регионта çуллен пиншер культура мероприятийĕ йĕркеленсе иртет. Отрасль ĕçченĕсен ырми-канми тăрăшулăхĕ халăх йăли-йĕркине сыхласа упрама, тăван ен культурине аталантарма, çамрăк ăрăва ăс-хакăлпа илемлĕх хаклăхĕсемпе туллин паллаштарма пулăшать.
Чăваш Ен Правительстви республикăра пурăнакан çынсене вĕсен пултарулăх туртăмне тивĕçлĕн аталантармалли майсем туса парас тесе çине тăрать. Кăçал регионта ялти темиçе çĕнĕ культура çурчĕ тата ку чухнехи кинозалсем хута каймалла. Республикăри районсенче культурăпа кану учрежденийĕсене тĕпрен юсас тата хатĕр-хĕтĕрпе тивĕçтерес ĕç малалла пурнăçланать.
Культурăпа искусство ĕçченĕсене професси ăсталăхĕшĕн тата суйласа илнĕ ĕçе парăннăшăн тав тăватăп. Пĕтĕм чунтан çирĕп сывлăх, телей, пултарулăхра çитĕнÿсем тата хавхалану, интереслĕ çĕнĕ проектсене пурнăçлама сунатăп!
М.ИГНАТЬЕВ,
Чăваш Республикин
Пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»