14:03 24 марта 2017 г.
Хисеплĕ культура ĕçченĕсем!
Сире чĕререн професси уявĕпе – Раççейри культура ĕçченĕн кунĕ ячĕпе саламлатпăр!
Культура пурнăçра пĕлтерĕшлĕ вырăн йышăнать. Вăл район экономикипе социаллă аталанăвне те пысăк витĕм кÿрет. Культура ĕçченĕсем мĕнпур уява илем кÿреççĕ, халăха пĕр чăмăра пĕрлештереççĕ.
Юлашки çулсенче районта культурăна аталантарассипе сахал мар ĕçлетпĕр. Тÿскелĕнче çĕнĕ культурăпа кану центрĕ уçăлчĕ, культура çурчĕсене тĕпрен юсассипе малалла ĕçлесе пыратпăр. Культработниксем хăйсен тĕп тивĕçĕсене пурнăçланипе пĕрлех халăхпа тачă çыхăнса ĕçлеççĕ, вĕсем ытларах культура çурчĕсене çÿреччĕр тесе тĕрлĕ кăсăклă мероприятисем йĕркелеççĕ.
Культура сферинче ĕçлекенсене çĕнĕ çитĕнÿсем, халăх хисепне тивĕçме çирĕп сывлăх, ăнăçу, телей сунатпăр.
И.Васильева,
Елчĕк район пуçлăхĕ.
Н.Миллин,
Елчĕк район администрацийĕн пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»