11:10 11 августа 2016 г.
Хисеплĕ физкультура ĕçченĕсем, спорт ветеранĕсем, физкультурăпа спорта юратакансем!
Сире чĕререн Физкультурник кунĕ ячĕпе саламлатпăр!
Спортпа туслă, сывлăхлă, чунпа пуян çынсем общество тĕрекĕ шутланаççĕ, вĕсене кирек мĕнле ĕçре те ăнăçу, çитĕнÿ кĕтет.
Елчĕк халăхĕ яланах спортпа туслă пулнă. Тĕнче шайĕнче палăрнă спортсмен-ентешсемпе эпир тивĕçлипе мухтанатпăр, савăнатпăр. Çамрăк ăру сывлăхлă, спортпа туслă çитĕнтĕр, çĕнĕ çитĕнÿсем тутăр тесе сахал мар тăрăшатпăр. «Улăп» спорт комплексĕ, спорт залĕсемпе стадионсем, хоккей коробкисемпе спорт площадкисем – пĕтĕмпех ачасем, спортпа туслă çынсем валли. Ачасен тренерĕсене, сывă пурнăç йĕркипе пурăнса ыттисене тĕслĕх кăтартакансене, спорт çитĕнĕсемпе район чысне çĕклекенсене чĕререн тав сăмахĕ калатпăр.
Уяв ячĕпе саламласа сире çирĕп сывлăх, телей, ĕçре тата спортра пысăк çитĕнÿсем тума ăнăçу сунатпăр!
П.СКВОРЦОВ Елчĕк район пуçлăхĕ.
Н.МИЛЛИН Елчĕк район администрацийĕн пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»