16:29 22 июля 2016 г.
Суту-илÿ отраслĕн хисеплĕ ĕçченĕсем тата ветеранĕсем!
Сире чĕререн професси уявĕпе – суту-илÿ ĕçченĕн кунĕ ячĕпе саламлатпăр.
Суту-илÿ сфери паянхи пурнăçра пысăк вырăн йышăнать, вăл экономикăн чи пĕлтерĕшлĕ секторĕсенчен пĕри. Çак сферăра ĕçлекенсен професси шайĕнчен, яваплăхĕпе халăхпа ĕçлеме пĕлнинчен ĕç ăнăçлăхĕ нумай килет.Тавар туянакансен кăмăл-туйăмĕ, сывлăхĕ, пурнăçри ăнăçулăхĕ те чылай чухне сирĕнпех çыхăннă.
Суту-илÿ отраслĕ хальхи вăхăтра вăйлă аталанать, çĕнĕ суту-илÿ точкисем уçăлаççĕ, таварсен ассортименчĕ куллен пуянланать, пысăк конкурентлăх хаксене шайлаштарса пырать.
Уяв ячĕпе саламласа сире ĕçре ăнăçу, пысăк таварçаврăнăшĕ, нумай тупăш, кăмăллă туянакансем, пурнăçра телей, çирĕп сывлăх сунатпăр.
Елчĕк район пуçлăхĕ П.А.Скворцов
Елчĕк район администрацийĕн пуçлăхĕ Н.П.Миллин
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»