15:02 13 мая 2016 г.
Хисеплĕ ентешсем !
Сире чĕререн Пĕтĕм тĕнчери çемье кунĕ ячĕпе саламлатпăр!
Çемье кунĕ мĕнпур çынна пĕрлештерет, мĕншĕн тесен кашни çынах хăй çемйи çинчен каласа пама пултарать, унăн йăли-йĕркине, несĕлĕсене пĕлет. Кашни çыншăн çемье пурнăçри тĕп тĕрев шутланать, çемьере пĕр-пĕрне ăнланасси, пулăшасси тĕп вырăн йышăнать.
Районта çирĕп, туслă, пултаруллă çемьесем сахал мар. Ачисене тивĕçлĕ воспитани паракан, çемье вучахне нумай çул упракан мăшăрсене пысăк тав сăмахĕ калатпăр. Çĕршыв тĕрекĕ çирĕп çемьесенчен, тивĕçлĕ воспитани илнĕ çынсенчен килет.
Уяв ячĕпе саламласа районти çемьесене ырăлăх тата лăпкăлăх, тăнăç пурнăç, çирĕп сывлăх, килĕшÿпе ăнланулăх сунатпăр.
Сирĕнпе юнашар яланах çывăх çынăрсем пулччăр!
Елчĕк район пуçлăхĕ П.А.Скворцов.
Елчĕк район администрацийĕн пуçлăхĕ Н.П.Миллин.
Яльчикский район Чувашской Республики
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»