09:39 09 декабря 2015 г.
ЧР Пуçлăхĕ Михаил Игнатьев Республикăн онкологи диспансерĕн ултă хутлă хирурги корпусĕн строительствипе паллашнă. Ку объекта 2012 çулхи юпа уйăхĕнче тума пуçланă.
- Чăваш Енре пурăнакансем республика тулашне тухмасăр пысăк пахалăхлă пулăшăва тивĕçмелле. Çĕнĕ объекта хута яни онкологи чирĕсемпе нушаланакансене сиплессине хăвăртлатĕ. Кунта çуллен 5 пин операци тумалла, - тенĕ Республика Пуçлăхĕ.
Строительствăн смета хакĕ - 950 млн тенкĕ. Кунта паян 130 çын ĕçлет. 2016 çулхи çуркунне вĕçнелле отделка ĕçĕсене пуçăнасшăн. Михаил Игнатьев çак корпусра чирлисем валли хăтлă условисем пулассине палăртнă. Çитес çул строительство валли 363 млн тенкĕ уйăрĕç, çав шутра федераци бюджетĕнчен - 294 млн тенкĕ. 2016 çул вĕçĕнчех пĕрремĕш пациентсене йышăнĕç. 2017 çулта вара корпуса туллин комплектацилесе çитересшĕн.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»