10:15 02 октября 2015 г.
Пĕтĕм тĕнчери ватă çынсен кунĕ ветерансене уяв кĕрекинче чысласси, мĕнпур çĕрти пекех, «Елчĕк ен» хаçат редакцийĕн коллектвĕнче те йăлана кĕнĕ.
Район хаçачĕн редакцийĕнче тата типографире ĕçлесе тивĕçлĕ канăва тухнисем халĕ 14 çын шутланаççĕ. Халĕ вĕсем пирĕнпе юнашар ĕçлемеççĕ пулин те пĕр-пĕрин хушшинчи çыхăнăва çухатмастпăр. Уяв кунĕсенче анчах мар, ытти чухне те вĕсемпе час-часах тĕл пулатпăр. Аслă ÿсĕмри ĕçтешсен ырă канаш-сĕнĕвĕ пирĕншĕн питех те хаклă. Пичет ветеранĕсем - Анатолий Тимофеевпа Иван Иноходов кулленхи ĕçре пире халĕ те нумай пулăшаççĕ. Тавах, вĕсене. Малашне те паянхи пекех иксĕлми вăй-халлă пулăр, ан ватăлăр. Зинаида Никифорова редакцире нумай çул корректор, Юлия Кузьмина машинистка, Антонина Сергеева тĕп бухгалтер, Елизавета Зайцевăпа Елена Васильева типографире наборщицăсем, Валентина Яковлева линотипистка пулса ĕçленĕ.
Хисеплĕ ветерансене хаçатăн тĕп редакторĕ Николай Алексеев саламларĕ, ун сăмахĕ çумне ыттисем те хутшăнчĕç - ветерансене уяв ячĕпе саламларĕç.
С.АНАТОЛЬЕВА.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»