10:29 16 сентября 2015 г.
Чăваш Республикин Тĕп суйлав комиссийĕ пĕлтернĕ тăрăх - Чăваш Республикин Пуçлăхĕн суйлавĕн малтанхи пĕтĕмлетĕвĕпе килĕшÿллĕн асăннă сасăлава 28 территорири тата 1184 участокри суйлав комиссийĕнче ирттернĕ. 28 ТСКра пĕтĕмлетĕве 100 проценчĕпех тунă, сентябрĕн 14-мĕшĕнчи 18 сехет тĕлне участокри суйлав комиссийĕсен 98,23% суйлава пĕтĕмлетнĕ. Ку ĕç малалла пырать, пĕтĕмлетÿ кĕçех тулли пулĕ. Унăн кăтартăвĕ пĕтĕмĕшле цифрăсене улăштараймĕ.
Суйлава хутшăннисен сассисем çакăн пек:
Михаил Васильевич Игнатьевшăн - 362301 суйлавçă - 65,54%;
Олег Алексеевич Николаевшăн - 80130 - 14,79%;
Валентин Сергеевич Шурчановшăн- 69194 суйлавçă - 12,77%;
Константин Сергеевич Субботиншăн - 18235 суйлавçă - 3,37%.
Чăваш Республикин Тĕп суйлав комиссийĕ Чăваш Республикин Пуçлăхĕн суйлавĕ пĕр тапхăрпа иртнине çирĕплетнĕ. Михаил Игнатьев Пуçлăх должноçне йышăннă ятпа инаугураци сентябрĕн 19-мĕшĕнче иртмелле.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»