11:45 12 сентября 2015 г.
Информаци коммуникацийĕсен «Рейтинг» центрĕ Раççей Федерацийĕн субьекчĕсен пуçлăхĕсен хушшинчи юлашки рейтингне пичетленĕ. Унта Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев унчченхи 25-мĕш вырăнтан 21-мĕш вырăна йышăннине палăртнă.
Тамара ЗАХАРОВА, Чăваш Республикин тава тивĕçлĕ культура ĕçченĕ:
- Çакă чăвашсен ĕç-хĕлĕ куç умĕнчех ÿссе пынине тепĕр хут çирĕплетет. Паян Чăваш Республикине Раççейре çеç мар, тĕнчипех лайăх пĕлеççĕ. Тĕнче шайĕнчи спорт ăмăртăвĕсем кăна мар, культура фестивалĕсем те тăтăшах иртеççĕ пирĕн патăмăрта. Республика çулсерен аталанса пынине эпир хамăр районти ырă пулăмсенчен те лайăх куратпăр. Библиотекарь пулнă май мана ытларах районти культура çурчĕсем çĕнелсе, пуянланса пыни савăнтарать. Паян клуб сцени çинче çамрăксемпе шкул ачисем кăна мар, тивĕçлĕ канăва тухнисем те хăйсен пултарулăхĕпе савăнтараççĕ. Пурнăç начар пулсан ватă юрласси-ташласси çинчен шухăшламастех. Михаил Васильевич чăннипех те халăхшăн ĕçлекен çын. Вăл культура ĕçченĕсене пысăк тимлĕх уйăрнăшăнах пысăк хисепе тивĕçлĕ.
Татьяна НИКОЛАЕВА, Курнавăшри пĕтĕмĕшле пĕлÿ паракан вăтам шкулти директор çумĕ:
- Тивĕçлĕ хаклав тесе шутлатăп çакна. Михаил Васильевич Игнатьев тăруках тăватă картлашка ÿсни республика тĕрĕс çул-йĕрпе малалла талпăннине çирĕплетет. Республика Пуçлăхĕн тивĕçĕсене пурнăçлакан М.Игнатьев çитĕнекен ăрăва, çамрăксене, ача-пăчана пысăк тимлĕх уйăрать. Шкулсем хуларинчен кая мар. Ача-пăча хăтлă садиксене çÿрет.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»