10:04 06 июня 2015 г.
«Чувашия» ПТРК, Чăваш Ен наци телевиденийĕ тата «Советская Чувашия» хаçат Чăваш Республикин Пуçлăхĕ Михаил Игнатьев хутшăннипе ирттерекен «Пирĕн республика. Тĕп тема» телепрограммăн тăваттăмĕш кăларăмĕн премьери эфира çĕртме уйăхĕн 9-мĕшĕнче тухать.
Хальхинчи тĕп тема - Чăваш Республикинчи шкул çулне çитмен ачасене пĕлÿ парассинчи модернизаци тытăмĕ. Чăваш Республикин Пуçлăхĕ Михаил Игнатьев регионри демографи лару-тăрăвĕпе паллаштарать, çĕнĕ ача сачĕсем хута кайни, шкул çулне çитмен ачасене пĕлÿ парассинчи çĕнĕлĕхсем тата малашнехи тĕллевсем çинчен каласа кăтартать.
Телепрограммăн тăваттăмĕш кăларăмне çĕртме уйăхĕн 9-мĕшĕнче «Россия-24» телеканалăн регионри эфирĕнче 19 сехет те 30 минутра, Чăваш Наци телевиденийĕпе 20 сехет те 30 минутра курма пулать.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»