15:47 22 мая 2015 г.
Елчĕкри историпе тăван тавралăх халăх музейĕнче пичет ветеранĕн Иван Иноходовăн 70 çулхи юбилейне халалланă «Историн чĕрĕ саманчĕсем» сăнÿкерчĕксен куравĕ уçăлнă.
Музей заведующийĕ С.Голубева Иван Павловича сумлă юбилейпа саламланă май тĕрлĕ ыйтусем парса унăн кун-çулĕнчи паллă самантсемпе кăсăкланнă. Район администрацийĕн культура тата информаципе тивĕçтерекен пай ертÿçи А.Александрова, «Елчĕк Ен» хаçатăн яваплă секретарĕ А.Карлин, Лаш Таяпа чиркĕвĕн настоятелĕ Силуан иеромонах, Тăрăмри культура çурчĕн художество пултарулăх ертÿçи В.Захаров, Л.Енедерова учитель-пенсионерка, тăванĕсемпе çывăх çыннисем саламласа сăнÿкерчĕксем чăннипех те историн чĕрĕ саманчĕсене сăнланине палăртнă. Кунтах Курнавăшри Тамара Смирнова ăста тухья, хушпу мĕнле хатĕрлемеллине кăтартса мастер-класс ирттернĕ.
Тăрăмри «Алмантай» фольклор ушкăнĕ уява хаваслăх кĕртнĕ.
В.АЛЕКСЕЕВА.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»