09:51 28 февраля 2015 г.
2015 çулта Республика кунĕнчи тĕп мероприятисем Шупашкарта тата Канаш районĕнче иртĕç.
Çĕртме уйăхĕн 3-24-мĕшĕсенче Шупашкарти "Регионсем: экономика ỹсĕмĕн çĕнĕ çăлкуçĕсем" VIII экономика форумне йĕркелесе ирттерес тĕллевпе форум программин проектне туса хатĕрленĕ, интернет-сайт ĕçлет.
"Регионсем: чикĕсĕр ĕçтешлĕх" курав çĕртме уйăхĕн 19-24-мĕшĕсенче иртĕ. Хальхи вăхăтра ăна ирттермелли концепцие хатĕрленĕ, Раççейри куçса çỹрекен куравсен йĕркелỹçисемпе калаçусем ирттереççĕ. Чăваш Автономи облаçне йĕркеленĕренпе - 100, Шупашкар хулине туса хунăранпа 550 çул çитнине халалланă хăйне евĕрлĕ уйрăм экспозицисем хатĕрлеме палăртаççĕ.
Кунсăр пуçне, Чăваш Республикин Экономика аталанăвĕн, промышленноçпа суту-илỹ министерстви Республика кунне уявланă вăхăтра Пĕтĕм тĕнчери фейерверксен фестивальне ирттерме хатĕрленет. Ăна валли Шупашкар заливне суйласа илĕç. Малтанлăха палăртнă тăрăх унта 5 команда хутшăнĕ.
Культура мероприятийĕсене Чăваш патшалăхне 95, Аслă Çĕнтерỹ пулнăранпа 70 çул çитнине тата Литературăпа К.В.Иванов çулталăкне халаллаççĕ.
Çĕртме уйăхĕн 23-24-мĕшĕсенче йăлана кĕнĕ йĕркепе Пĕтĕм Раççейри халăх пултарулăхĕн "Раççей çăлкуçĕсем" фестивалĕ иртĕ. Алĕç ăстисен Пĕтĕм Раççейри конкурсĕ те çав кунсенчех иртмелле. Çĕртме уйăхĕн 24-мĕшĕнче - Пĕтĕм чăвашсен Акатуйĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»