16:10 13 января 2015 г.
Сире пĕтĕм кăмăлтан Раççей пичечĕн тата Чăваш пичечĕн уявĕ ячĕпе саламлатпăр!
Пресса кирек хăш вăхăтра та общество шухăшлавне йĕркелемелли чи пĕлтерĕшлĕ инструментсенчен пĕри шутланнă. Информатизаци çыннăн пурнăç тивĕçтерĕвĕн пĕтĕм сферине пысăк хăвăртлăхпа кĕрсе пынă тапхăрта та массăллă информаци хатĕрĕсен общество аталанăвĕнчи пĕлтерĕшĕ татах та ỹсет. Çавна май журналистсен яваплăхĕ тĕлĕнмелле пысăк. Вĕсен пурнăç таппинчен пĕр утăм та тăрса юлмасăр районта пулса иртекен пĕлтерĕшлĕ пулăмсем пирки вулакансене тулли те тĕрĕс информаципе вăхăтра тата васкавлăн пĕлтерсе тăма ĕлкĕрмелле.
Район хаçачĕн коллективĕнче тăрăшакансенчен ытларахăшĕ кунта нумай çул тата ăнăçлă вăй хурать. Çавна май журналистсемпе вулакансем пĕр-пĕринпе тачă çыхăнура. Çапла пулни коллектива çăмăл мар пурнăçра та умри йывăрлăхсене çĕнтерме, палăртнă тĕллевсене ăнăçлăн пурнăçа кĕртме майсем туса парать. "Елчĕк ен" хаçат 2014 çулхи ĕç пĕтĕмлетĕвĕсем тăрăх Пĕтĕм Раççейри конкурсра "Прессăн ылтăн фончĕ - 2015 çул" паллăна çĕнсе илни çакна тепĕр хутчен уçăмлăн çирĕплетет.
Пичет ĕçченĕсемпе ветеранĕсене район пуласлăхĕпе ырлăхĕшĕн хавхаланса ĕçленĕшĕн чĕререн тав тăватпăр, çирĕп сывлăх, пултарулăх ĕçĕнче ăнăçу, телейпе ырлăх сунатпăр.
Р.МОЛОДОВА,
район пуçлăхĕ.
Н.МИЛЛИН,
район администрацийĕн пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»