11:37 29 ноября 2014 г.
Декабрĕн 1-мĕшĕнче çĕр-шывĕпех иртекен йышăну кунне "Пĕрлĕхлĕ Раççей" политика партийĕн йышăнăвĕпе йĕркелеççĕ. Çак кун хăйсен ыйтăвĕсемпе пынă çынсемпе Раççей Федерацийĕн Федераци Канашĕн членĕсем, тĕрлĕ шайри депутатсем, ĕç тăвакан влаç органĕсен ертỹçисем, юристсем тĕл пулĕç, хуравсене пĕрле шырĕç.
Чăваш Енре - Пĕрлехи йышăну кунĕнче сирĕн ыйтăвăрсене татма партин регион йышăну пỹлĕмĕнче çĕр-шывăн Федераци Канашĕн членĕ Г.Г.Николаева сенатор, РФ Патшалăх Думин депутачĕ Р.К.Тихонов (иккĕшĕ те 10 сехетрен пуçласа), Чăваш Республикин Патшалăх Канашĕн Патшалăх строительстви, вырăнти хăй тытăмлăх, Регламент тата депутат этикин комитечĕн председателĕ, "Пĕрлĕхлĕ Раççей" политика партийĕн Чăваш регион уйрăмĕн секретарĕ Н.В.Малов (14 сехетрен пуçласа), парти председателĕн Д.А.Медведевăн регионти общество йышăну пỹлĕмĕн ертỹçи, Чăваш парламенчĕн депутачĕ, травматологи, ортопеди тата эндопротезировани центрĕн тĕп врачĕ Н.С.Николаев (12 сехетрен пуçласа), Шупашкар хула пуçлăхĕ - "Пĕрлĕхлĕ Раççей" партин Шупашкар хула уйрăмĕн секретарĕ Л.И.Черкесов (14 сехетрен пуçласа) пулăшĕç.
Партин регион общество йышăнăвĕн пỹлĕмĕ Шупашкар хулинчи Ленинград урамĕнчи 32-мĕш çуртра (Ухсай Яккăвĕ ячĕллĕ культура керменĕ), 106-мĕш офисра вырнаçнă. Шăнкăравласа та (8352) 62-25-56, хăвăр пырса та черете малтанах çырăнмалла.
("Хыпар" хаçатран).
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»