15:13 17 ноября 2014 г.
Налук службин районти хисеплĕ ĕçченĕсем!
Сире професси уявĕпе - Раççей Федерацийĕнчи налук органĕсен ĕçченĕсен кунĕ ячĕпе саламлатпăр.
Эсир налук саккунне пурнăçланине, район, республика бюджечĕсене йĕркелессине тытса пыратăр. Налуксене вăхăтра тỹлени ялсемпе хуласен инфраструктурине аталантарма, çынсен пурнăç шайне, ырлăх-пурлăхне ỹстерме май парать.
Сирĕн ĕçĕрте тухăçлă кăтартусенчен чи кирли - бюджетри тупăш тăтăш ỹссе пыни. Эсир законодательство ыйтнин нормисене çирĕп пăхăнма, финанс дисциплинине çирĕплетме, граждансен налук тỹлессинчи культурине аталантарма пулăшатăр.
Сирĕн ĕçĕр питех те кирлĕ ĕç. Сире тата сирĕн çемйĕрсене хамăр районти, республикăри çынсен ырлăхĕшĕн малашне те ăнăçлă ĕçлеме çирĕп сывлăхпа телей тата тивлет сунатпăр!
Р.МОЛОДОВА,
Елчĕк район пуçлăхĕ.
Н.МИЛЛИН,
Елчĕк район администрацийĕн пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»