14:00 07 ноября 2014 г.
Сире професси уявĕпе - Раççей шалти ĕçсен органĕсен ĕçченĕсен кунĕ ячĕпе саламлатпăр.
Право хуралĕн органĕсенче тăрăшакансем пысăк та яваплă ĕç пурнăçлаççĕ, йĕркелĕхпе саккунлăха, граждансен лăпкăлăхне, вĕсен прависемпе интересĕсене хỹтĕлеççĕ.
Сирĕн ĕçĕр хăрушлăхпа çыхăннă, хăвăр тивĕçĕре тỹрĕ кăмăлпа, чунтан парăнса, чыслăн та паттăррăн пурнăçлатăр, районти лару-тăрăва тивĕçлĕ шайра тытса тăратăр, халăха лăпкăн ĕçлеме тата канма майсем туса паратăр.
Шалти ĕçсен органĕсен ветеранĕсем хăйсен паха та пуян опычĕпе çамрăк сотрудниксене туллин паллаштарма тăрăшаççĕ. Пĕрлехи вăйпа тата килĕштерсе пурнăçланă ĕç хăйĕн ырă çимĕçне парать.
Полици сотрудникĕсене пурне те тỹсĕмлĕх, саккуна пăсакансен çулне пỹлме яланах хатĕр пулма, палăртнă тĕллевсене тивĕçлипе пурнăçласа пырса халăха малашне те лăпкăлăхпа тивĕçтерсе тăма сĕнетпĕр.
Сире çирĕп сывлăх, иксĕлми телей, вăй-хал, кил вучахĕн ăшшине туйса тăма тата çитĕнỹсемпе палăрма сунатпăр.
Р.МОЛОДОВА,
Елчĕк район пуçлăхĕ.
Н.МИЛЛИН,
Елчĕк район администрацийĕн пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»