11:54 18 октября 2014 г.
Енчен те эсир 23 çула çитмен, сирĕн пĕр ача пур пулсан, аслă пĕлỹ илес тесен, амăшĕсем валли И.Н.Ульянов ячĕллĕ Чăваш патшалăх университечĕ Пĕрлехи патшалăх экзаменĕсене пама хатĕрленме тỹлевсĕр курс йĕркелет.
Иртнĕ çул Чăваш Ен çамрăк ача амăшĕсене федерацин аслă заведенийĕсене вĕренме кĕме тỹлевсĕр хатĕрленỹ курсĕсем йĕркелес енĕпе пилотлă регионсен йышне кĕнĕ. Унта ЧПУра 28 çамрăк амăшĕ вĕреннĕ, вĕсенчен 6-шĕ университетăн студенчĕсем пулса тăнă.
Халĕ вара каллех - çĕнĕ йышăну. Занятисем чỹк уйăхĕн 1-мĕшĕнчен пуçланаççĕ. Вĕсем кану кунĕсенче иртеççĕ. Кашни вĕренекен уйăхсерен 2 пин тенкĕ стипенди илсе тăрĕ.
Тĕплĕнрех 58-18-40, 8-903-345-78-94 телефонсемпе ыйтса пĕлмелле.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»