13:35 13 октября 2014 г.
Ял хуçалăхĕнче, продукцие ĕçлесе хатĕрлекен промышленноçра, вĕсене пулăшса пыракан предприятири ĕçченсене, ветерансене!
Сире, ял хуçалăх тата продукцие тирпейлекен промышленноç ĕçченĕсен кунне халалланă уяв ячĕпе ăшшăн саламлатпăр.
Ял ĕçченĕ - çăкăр çитĕнтерекен, выльăх-чĕрлĕхрен продукци туса илекен, урăхла каласан, çынна пурăнма куллен кирлĕ апат-çимĕç хатĕрлесе паракансем, уйрăмах хисепе тивĕçлĕ.
Ял хуçалăхĕнчи ĕç-хĕл нихăçан та çăмăл пулман. Апла пулин те умри йывăрлăхсене, çут çанталăк условийĕсене пăхмасăр районти ĕçченсем тăрăшнипе, ял хуçалăх предприятийĕсемпе хресчен (фермер) хуçалăхĕсен ертỹçисем, специалистсем ĕçе пĕлсе йĕркеленипе ял хуçалăх çулталăкне япăх мар кăтартусемпе вĕçлетпĕр.
Çĕнĕ технологисем анлăн пурнăçа кĕреççĕ: уй-хирсенчи ĕçе тухăçлă йĕркелеме май паракан хăватлă техникăсен хисепĕ çулсерен ỹссе пырать, ял хуçалăх предприятийĕсенче, пĕрин хыççăн тепринче, выльăх-чĕрлĕх фермисене тĕнче шайĕнчи стандартсене тĕпе хурса реконструкци тăваççĕ. Çавна май фермăсенчи ĕç условийĕсем лайăхланса пыраççĕ, иртнĕ çулсенчипе танлаштарсан, ĕç тухăçлăхĕ, продукци туса илесси палăрмаллах ỹсни куç кĕрет. Çитес çулхи тухăç никĕсне те шанчăклăн хывса хăварнă. Фермăсенчи выльăх-чĕрлĕхе хĕл кунĕсенче тăрантарса усрама çителĕклĕ таран апат хывса хăварнă.
Хисеплĕ çăкăр çитĕнтерекенсемпе выльăх-чĕрлĕх пăхакансене, продукцие тирпейлекенсене, агропромышленноç комплексне кулленхи ĕçре пулăшакан организацисенче тăрăшакансене, кунта ĕçленĕ ветерансене уяв ячĕпе саламласа ырлăх-сывлăх,телей, ăнăçу сунатпăр.
Р.Н.МОЛОДОВА,
район пуçлăхĕ.
Н.П.МИЛЛИН,
район администрацийĕн пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»