12:57 03 октября 2014 г.
Сире професси уявĕпе - Вĕрентекен кунĕ ячĕпе чĕререн саламлама ирĕк парсамăр. Эсир пархатарлă та сăваплă ĕç пурнăçлатăр. Хăвăр пурнăçăра вĕрентĕве тата воспитани ĕçне халалланă май çак ĕçе чунтан парăнса пурнăçлатăр, вĕренекенĕрсен çитĕнĕвĕсемпе хавхаланатăр. Çак çитĕнỹсем район тата çĕр-шыв çитĕнĕвĕ.
Ĕмĕр тăршшĕпех эпир хамăра пĕлỹ, воспитани панă вĕрентекенсене ăшă кăмăлпа аса илетпĕр, асăмăрта упратпăр. Ачасене тивĕçлĕ воспитани, çирĕп ăс-тăн парас тесе ырми-канми тăрăшакан кашни вĕрентекенех пысăк тав сăмахĕ калатпăр.
Вĕрентекенсем обществăлла пурнăçа яланах активлă хутшăнаççĕ, çитĕнекен ăрăва тарăн пĕлỹ парас тĕллевпе çĕнĕ вĕренỹ программисене тата технологисене алла илеççĕ, конкурссемпе наука проекчĕсене активлă хутшăнаççĕ.
Çитĕнекен ăрăва вĕрентес, воспитани парас ĕçре педагог-ветерансен тỹпи те пысăк. Вĕрентỹ коллективĕсем сирĕн ĕç опычĕпе, ырă канаш-сĕнỹсемпе кулленех усă кураççĕ.
Уяв ячĕпе саламласа сире пурне те çирĕп сывлăх, тулли телей. Ăнăçупа çитĕнỹсем, пултаруллă та мал ĕмĕтлĕ вĕренекенсем сунатпăр.
Р.МОЛОДОВА,
Елчĕк район пуçлăхĕ.
Н.МИЛЛИН,
Елчĕк район администрацийĕн пуçлăхĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»