08:55 06 сентября 2014 г.
Чăваш Ен Пуçлăхĕ Михаил Игнатьев ĕç тăвакан влаç, федерацин территори органĕсен тата хула округĕсен ертỹçисемпе ирттернĕ планеркăра ЧР экономика аталанăвĕн министрĕ В.Аврелькин инноваци инфратытăмĕн объекчĕсене йĕркелени çинчен чарăнса тăнă.
2014 çулта РФ Экономика аталанăвĕн министерстви ирттернĕ конкурсра Чăваш Енĕн 4 заявкине ырланă. Пысăк проектсенчен пĕри - Шупашкар хулинчи Индустри паркĕ. Ăна пĕлтĕр тума пуçăннă, строительство ĕçĕсене вĕçлеме 2014 çулта федераци бюджетĕнчен 137,4 млн, Чăваш Республикин бюджетĕнчен 34,4 млн тенкĕ уйăрнă.
Иккĕмĕш объект - Прототипировани центрĕ. 2014 çулта федерацин бюджетĕнчен 6,4 млн тенкĕ, республика бюджетĕнчен 1,6 млн тенкĕ уйăрнисĕр пуçне Прототипировани центрĕ бюджет тулашĕнчи çăл куçсен шучĕпе хăйĕн аталанăвĕ валли 9,8 млн тенкĕ ярать.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»