08:29 09 июля 2014 г.
Хаçат-журнала кăçалхи иккĕмĕш çур çулшăн çырăнтарас тапхăр хыçа юлчĕ. Çапах та район хаçатне çырăнса ĕлкĕрейменнисем ăна çурла уйăхĕнчен илсе тăмашкăн çырăнма пултараççĕ.
2014 çулхи утă-раштав уйăхĕсенче илсе тăма "Елчĕк ен" хаçата почта çыхăну уйрăмĕсенче - 3800, "Чăвашпичет" АОУ киоскĕнче - 59, редакцире 8 экземпляр çырăнтарнă. Çакă 2013 çулхи иккĕмĕш çур çултипе танлаштарсан кăштах анчах сахалрах.
Елчĕкри почта çыхăну уйрăмĕн хаçат-журнал çырăнтарас енĕпе ĕçлекен специалисчĕ Галина Баранова пĕлтернĕ тăрăх, çырăнтару тапхăрĕнче кашни почта çыхăну уйрăмĕн ертỹçи тата почтальонкăсем тăрăшса ĕçленĕ, район халăхĕ тăван хаçата кăмăлласах çырăннă. Вĕсене тата "Елчĕк енпе" туслă çыхăну тытакан вулакансене редакци ĕçченĕсем пысăк тав сăмахĕ калаççĕ.
Хальхи вăхăтра хаçата 2015 çулхи пĕрремĕш çур çулшăн çырăнтарма пуçăннă. Вулакансем ăна малтанхи хакпах - 349 тенкĕпе почта урлă илсе тăмашкăн çырăнма пултараççĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»