Новости » Хисеп грамотине тивĕçнĕ

13:34 12 февраля 2014 г.

Оригинал

"Елчĕк ен" хаçатăн обществăпа политика пайĕн редакторĕ Елена Петрова вунă çул ытла вулакансене тарăн шухăшлă, хумхантаракан статьясемпе савăнтарать.

Районăн экономикăпа социаллă пурнăçне çутатнисĕр пуçне çынсен обществăри вырăнне сăнлать, пурнăçри тĕрлĕ киревсĕрлĕхсенчен пăрăнмалли майсене палăртать. Вăлах шкул ачисем валли "Шăнкăрав" хушма кăларăм кăларса тăрать. Елена Геннадьевна журналист ĕçĕнче çуллен пысăк çитĕнỹсем тăвать, республика шайĕнче иртекен тĕрлĕ конкурссене хутшăнать. Раççей Журналисчĕсен союзĕн членĕн ĕç кабинетĕнчи стена çинче вуншар дипломпа грамотăсем çакăнса тăраççĕ. Нумаях пулмасть хастар журналиста район администрацийĕн пуçлăхĕ Николай Миллин район администрацийĕн Хисеп грамотипе чысларĕ. Чун-чĕререн саламлатпăр хамăрăн пултаруллă ĕçтешĕмĕре.

АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»