09:23 22 января 2014 г.
Кăрлач уйăхĕн 21-мĕшĕнче Елчĕк районĕн 5-мĕш суйлаври Депутачĕсен пухăвĕ пулса иртрĕ. Ăна Елчĕк район Депутачĕсен пухăвĕн ертỹçи Р.Молодова ертсе пычĕ.
Пуху ĕçне районта ĕçлĕ визитпа пулнă хăнасем - Чăваш Республикин Патшалăх Канашĕн ертỹçи Ю.Попов, Чăваш Республикин Патшалăх Канашĕн депутачĕсем П.Красновпа К.Мифтахутдинов, Чăваш Республикин вĕренỹпе çамрăксен политикин министрĕн çумĕ С.Петрова, Елчĕк район администрацийĕн пуçлăхĕ Н.Миллин, районти предприятисемпе организацисен пуçлăхĕсем хутшăнчĕç.
Чи малтанах Елчĕк район Депутачĕсен пухăвĕн ертỹçи Р.Молодова сăмах илчĕ. Вăл Депутатсен пухăвĕн иртнĕ çулхи ĕç-хĕлне пĕтĕмлетсе тата малашлăх плансене палăртса отчет туса пачĕ. Иртнĕ çул депутатсем 6 пуху ирттерсе 70 ыйту пăхса тухнă, çав шутран район пуçлăхĕн пуçарăвĕпе - 8 ыйту. Район администрацийĕн пуçлăхĕн пуçарăвĕпе депутатсем 27 ыйту пăхса тухнă, Елчĕк район бюджетне 4 хутчен улшăнусем кĕртнĕ тата малашлăх 3 çул валли район бюджетне йышăннă. Иккĕмĕш ыйтупа Елчĕк район администрацийĕн пуçлăхĕ Н.Миллин тухса калаçрĕ. Вăл Елчĕк районĕнче 2013 çулта пурнăçланă ĕç-хĕл пирки отчет туса пачĕ, малашлăх тĕллевсене палăртрĕ. Район администрацийĕн пуçăлăхĕн отчетне итленĕ хыççăн хисеплĕ депутат - "Промсервис" наука-производство пĕрлешĕвĕ" акционерсен хупă обществин генеральнăй директорĕ Ю.Титов сăмах илчĕ, пурнăçа кĕртме май пур çĕнĕ инвестици проекчĕсемпе паллаштарчĕ. Л.Григорьев çамрăксене ĕçпе тивĕçтерес ыйтăва çивĕч хускатрĕ. Тĕслĕхсемпе çирĕплетсе вăл хăйсен ĕçне йĕркелес ĕмĕтлĕ предпринимательсем валли çул уçă пулнине палăртрĕ, вĕсене пулăшас тĕллевпе ĕçлекен патшалăх программисене асăнчĕ.
Ларăва Ю.Попов пĕтĕмлетрĕ. Паянхи кун Елчĕк районĕ республика шайĕнче паллă вырăн йышăннине, курăмлă кăтартусем ертỹçĕсен пысăк тăрăшулăхĕнчен килнине каларĕ. Лару пирки тĕплĕнрех çитес номерте материал пулĕ.
Е.ПЕТРОВА.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»