09:01 23 октября 2013 г.
Ял хуçалăхĕнче тата продукци ĕçлесе хатĕрлекен промышленноçра ĕçлекенсен районти уявĕ умĕн "Елчĕк ен" хаçатра уй-хир ĕçченĕсемпе выльăх-чĕрлĕх пăхакансене хисеплесе ял хуçалăх пайĕн редакторĕ Светлана Архипова хатĕрленĕ ятарлă страница кун çути курнă.
Вулакансем хальхинче "Энтепе" ял хуçалăх предприятийĕн çамрăк ертỹçи Андрей Васильев хаçат корреспондентне панă интервьюпа, "Прогресс" акционерсен хупă обществинчи, "Комбайн" ял хуçалăх производствинчи сулмаклă кăтартусем çинчен çырнисемпе тата ытти материалсемпе паллашнă.
Уй-хир ĕçченĕсемпе выльăх-чĕрлĕх пăхакансене Елчĕк район пуçлăхĕ Р.Молодова, Елчĕк район администрацийĕн пуçлăхĕ Н.Миллин, Чăваш Республикин Патшалăх Канашĕн депутачĕсем - К.Мифтахутдинов тата П.Краснов саламлани те тĕп вырăнта.
Сăн ỹкерчĕкре: "Прогресс" акционерсен хупă обществинчи Патреккелти сысна ферминче тăрăшакансен ушкăнĕ.
АУ «Редакция Яльчикской районной газеты "Елчек ен" ("Яльчикский край") Мининформполитики Чувашии»