Новости » Журналистсемпе тĕл пулнă

00:00 21 ноября 2012 г.

 Черетлĕ Пĕрлехи информаци кунне ирттерме хутшăннă Чăваш Республикинчи юстици министрĕн çумĕ - ЗАГС уйрăмĕн начальникĕ Г.Чернова тата "Чăвашстат ертỹçин çумĕ Л.Егорова "Елчĕк ен" хаçат коллективĕнче ĕçлекенсемпе тĕл пулнă. Калаçу кăсăклă иртнĕ, хальхинче вĕсем Чăваш Республикин кăçалхи 9 уйăхри экономикăпа социаллă пурнăçĕн аталанăвĕн кăтартăвĕсем, Чăваш Республикин 2012 çулхи бюджет политики пирки, ял халăхне пĕрремĕш медицина пулăшăвĕ парассин тата табак туртнине хирĕç кĕрешессин тĕлĕшĕпе çыхăннă мерăсем çинчен тĕплĕн чарăнса тăнă. Асăннă çивĕч ыйтусене творчество ĕçченĕсем тăрăшнипе район хаçачĕн страницисенче те тĕплĕн çутатса пама тăрăшаççĕ. Г.Черновăпа Л.Егорова журналистсен ыйтăвĕсем çине те тĕплĕ хуравсем панă. Сăн ỹкерчĕкре: Чăвашстат ертỹçин çумĕ Л.Егорова тата районти уйрăмĕн ертсе пыракан специалисчĕ Л.Горшкова С.Архипова журналистпа массăллă информаци хатĕрĕсем хушшинче 2010 çулхи Пĕтĕм Раççейри халăх çыравĕн пĕтĕмлетĕвĕсем çинчен пичетленнĕ статьясен конкурсне ирттерме палăртни çинчен сỹтсе яваççĕ.