Новости » Право сехечĕ йĕркелеççĕ

00:00 24 октября 2012 г.

Граждансен, обществăн тата патшалăхăн ирĕкĕсемпе саккунла интересĕсене хỹтĕлес ĕçре прокуратура ĕçченĕсен тỹпи пысăк. Халăха саккунсемпе паллаштарса пырас, йĕркене пăсасран е киревсĕр çынсенчен хур тỹсесрен асăхаттарас тĕллевпе кашни уйăхрах вĕсем Пĕтĕм Раççейри "Раççей юрисчĕсен пĕрлешĕвĕ" общество организацийĕн Елчĕкри тĕп библиотекăра вырнаçнă консультаци пунктĕнче право сехечĕ йĕркелеççĕ. Унта хаçат ĕçченĕсем те активлă хутшăнаççĕ. Юпа уйхĕнче иртнĕ черетлĕ право сехетĕнче прокуратура ĕçченĕсем пуçтарăннисене Федерацин 2006 çулхи çу уйăхĕн 2-мĕшĕнчи "Патшалăх влаçĕн тата вырăнти хăй тытăмлăх органĕсенче граждансен ыйтăвĕсене пăхса тухмалли йĕрке" сакунĕпе паллаштарнă. Прокуратура ĕçченĕсем граждансене канăçсăрлантаракан ыйтусем çине те хуравлаççĕ.