Новости » Район хаçатĕнче - 10 çул

00:00 11 сентября 2012 г.

Редакцин обществăпа политика пайĕн редакторĕ Елена Петрова паян черетлĕ çуралнă кунне уявланă. Елена Геннадьевна журналистика стажне студент вăхăтĕнче Хусанти "Сувар" хаçатра пуçланă. 2002 çулта "Елчĕк ен" хаçатра корректорта ĕçлеме пуçланă. 2004 çултан вара _ хаçат корреспонденчĕ. 2006 çулта харсăр журналист Чăваш Ен Президенчĕ стипендине тивĕçнĕ. Е.Петрова район хаçачĕсем хушшинче йĕркелекен тĕрлĕ пултарулăх конкурсĕсене хутшăнать, яланах призерсен йышне кĕрет. Тỹрĕ кăмăлпа тата нумай çул хушши ĕçленĕшĕн Елена Геннадьевна кăçал Чăваш Республикин Патшалăх Канашĕн Хисеп грамотине тивĕçнĕ. Ĕçтешĕмĕре çуралнă кунпа райхаçатăн тĕп редакторĕ Н.Алексеев тата ыттисем ăшшăн-ăшшăн саламланă, товорчество ĕçĕнче ăнăçусем суннă.