Новости » Сăн ỹкерчĕксенче - тăван ял, тăван кил

00:00 30 августа 2012 г.

Район 85 çул çитнине халалласа район хаçачĕн редакцийĕпе районти тĕп библиотека "Акă манăн ялăм, акă манăн кил" сăн ỹкерчĕксен конкурсне йĕркеленĕччĕ. Конкурс итогне пĕтĕмлетнĕ хыççăн çакă паллă пулчĕ: çĕнтерỹçĕ - Тăрăм шкулĕнче вырăс чĕлхипе литературине вĕрентекен Аэлита Гордеева. Пултаруллă вĕрентекене районти учительсен конференцийĕнче диплом тата хаклă парне парса чысланă. Аэлита Ивановна фото ỹкерессипе тахçанах интересленет. Çак ăсталăх ăна ашшĕнчен куçнă. Конкурс çĕнтерỹçи хăйĕн вĕренекенĕсене, тăванĕсемпе çывăх çыннисене, тăван ялне, çуралнă тăрăх илемне сăн ỹкерттерме юратать. А.Гордееван, конкурса хутшăннă ытти ăстасен ĕçĕсемпе районти тĕп библиотекăра паллашма пулать.