Новости » Район хаçачĕн гимнĕн авторне - Хисеп грамоти

00:00 08 августа 2012 г.

 Анатри Тимешре пурăнакан Вячеслав Захарова районта палламан çын та çук пулĕ. Культура ĕçĕнче тăрăшаканскер "Елчĕк ен" хаçатăн чи активлă ялкорĕ. Вячеслав Германович çамрăк поэтсен смотр-конкурсĕн, эстрада юррисен фестивалĕн дипломанчĕ. "Çамрăклăх килет пĕрре", "Кĕçĕн Пăла кĕввисем" кĕнекесен, "Юратушăн çунтăр чĕре" магнитоальбом авторĕ. Район хаçачĕн "Ăсталăх вучахĕ" хушма кăларăмĕнче унăн сăввисем сахал мар пичетленнĕ. В.Захаров çиччĕмĕш класран пуçласах район хаçачĕпе туслă çыхăну тытать. "Елчĕк ен" хаçат 60 çул тултарнине халалласа вăл гимн çырнă (сăвви те, кĕвви те авторăн). "Елчĕк ен" хаçат 80 тултарнă май хаçатăн чи активлă корреспонденчĕ - Кукаç Славкки - район хаçачĕн Хисеп грамотине тивĕçрĕ.