00:00 13 июня 2012 г.
"Елчĕк ен" хаçатăн ялти хастар корреспонденчĕ, Аслă Елчĕкре пурăнакан педагогика ĕçĕн ветеранĕ Венера Петровна Кассирова 85 çул тултарчĕ. Мăшăрĕпе, Иван Александровичпа алла-аллăн тытăнса пурăнма тытăннăранпа вара 65 çул çитрĕ. "Елчĕк ен" хаçат редакцийĕн коллективĕ ячĕпе хисеплĕ ватăсене сумлă юбилейсем ячĕпе Светлана Архипова журналист саламланă. СССР писательсен Союзĕн членĕ, Петровски наукăпа искусствăсен академийĕн чăн членĕ Юлия Силэм Венера Кассирова тĕрлĕ çулсенче çырнă, пичетленнĕ сăввисене, статйисене пухса "Ырă ят - ĕмĕре" ятпа кĕнеке пичетлесе кăларнă. 85 çулхи ватăшăн çакă, чăннипех, пысăк парне.