00:00 10 мая 2012 г.
Кăçалхи 67-мĕш хут уявлакан Аслă Çĕнтерỹ кунне "Елчĕк ен" хаçат редакцийĕн коллективĕ те хавхалануллă кăмăл-туйăмпа кĕтсе илчĕ. Журналистсен ушкăнĕ виçĕ кун маларах Аслă Çĕнтерỹ уявне халалланă черетлĕ хаçат номерне калăпларĕ, ăна вулакансем патне çитерчĕ.
Редакци ĕçченĕсем уяв ячĕпе иртнĕ митинга та пурте пĕр çын пек пулса хутшăнчĕç. Çар комиссариачĕ пулнă çут умне чарăнса воин-интернационалистсене халалласа лартнă палăк умне чечек кăшăлĕ хучĕç. Ун хыççăн ытти çынсемпе пĕрле Елчĕкри тĕп лапама пычĕç, кунта уяв малалла тăсăлчĕ.