Новости » Тавралăх тасалчĕ, симĕсленчĕ

00:00 27 апреля 2012 г.

Тăван тавралăха тирпей-илем кĕртмелли уйăхлăха хутшăнса "Елчĕк ен" хаçат редакцийĕн ĕçченĕсем те пуçарулăх кăтартрĕç. Редакци çурчĕн территорийĕнчи, Первомайск урамĕнчи тăкăрлăкри, çул çинче хĕл каçипе пухăннă ăпăр-тапăра шăлса тасатрĕç, хăрнă йывăçсен турачĕсене касса тирпейлерĕç. Редакцире ĕçлекен хĕрарăмсем хальхи вăхăтра çурт умĕнчи палисаднике чечексем акма, лартма хатĕрленеççĕ. Çак ĕçе йĕркелессинче хальхинче уйрмах тимлĕ пулма кирлине лайăх ăнланаççĕ вĕсем. Мĕншĕн тесен кăçалхи çурла уйăхĕнче район хаçачĕ тухса тăма тытăннăранпа 80 çул çитет, çавна май редакцие хăнасем те нумайăн килсе курĕç.