Публикации » Çитенỹ хыççăн çитĕнỹ

13 мая 2008 г.

Пирĕн районта çуралса ỹснĕ спортсменсем штанга тата кире пуканĕ йăтассипе юлашки вăхăтра пысăк çитĕнỹсем тăваççĕ. Хаçатăн иртнĕ номерĕсенчен пĕринче эпир А.Сусликов (Курнавăш), П.Портнов (Аслă Пăла Тимеш) штангистсем çамрăксен ушкăнĕнче Раççей ăмăртăвĕнче ăнăçлă ăмăртни çинчен çырса пĕлтернĕччĕ. Аслă Çĕнтерỹ уявĕ умĕн кире пуканĕ йăтакансем Г.Чермаков (Курнавăш) тата О.Старостина (Кипеç) спорта юратакансене хăйсен кăтартăвĕсемпе савăнтарчĕç. Вĕсем Калуга хулинче Совет Союзĕн Маршалне Г.Жукова асăнса ирттернĕ Пĕтĕм Раççейри ăмăртăва хутшăннă. 62 кг виçере Г.Чермаков çак турнирта çĕнтерỹçĕ ята тивĕçнĕ, пуçласа спорт мастерĕн нормативне тултарнă. Раççей спорт мастерĕ О.Старостина хĕрсен ушкăнĕнче иккĕмĕш вырăн йышăннă.