30 апреля 2008 г.
Кăçалхи çу уйăхĕн 5-16-мĕшĕсенче "Частник" операци иртет. Унăн тĕп тĕллевĕ _ уйрăм çынсен тракторĕсемпе прицепĕсен юсавлăхĕ мĕнле шайра пулнине тĕрĕслесси. Çак тапхăрта патшалăх техника асăрхавĕн специалисчĕсем уйрăм çынсен аллинчи техника ĕç хăрушсăрлăхĕн йĕркисене туллин тивĕçтернине тĕрĕслеççĕ. Çавăн пекех вĕсем çут çанталăка вараланине, регистраци тата техосмотр витĕр тухнине палăртаççĕ. Çула тухнă е ĕçе явăçнă уйрăм çыннăн тракторист-машинист удостоверенийĕ, техника патшалăх регистрацийĕн докуменчĕсем, техосмотр талонĕ, регистраци, налуксене тỹленĕ квитанцисем пулмалла. Трактор çинче çынна пĕрремĕш медицина пулăшăвĕ памалли, вут-çулăма сỹнтермелли хатĕрсем те кирлĕ. Çул çине юсавлă, йĕркеллĕ техникăпа кăна тухасчĕ. Çитменлĕхсене тỹрех пĕтермелле, техникăна патшалăх тĕрĕслевĕ витĕр кăлармалла. Унсăрăн явап тытма тивĕ.